Eyþór Ingi og Babies heiðra Þursaflokkinn

Upplýsingar

• Spurningar? Hafðu samband

Á Sviðinu

Í tilefni 40 ára útgáfu plötunnar “Gæti eins verið” með Þursaflokknum, ætla Eyþór Ingi & Babies flokkurinn að halda tónleika föstudaginn langa, 7. apríl á Sviðinu Selfossi. Platan verður þar leikin í heild sinni og hver veit nema önnur vel valin Þursalög fái að fljóta með.

Hinn íslenski Þursaflokkur kom fyrst saman í febrúar 1978 og starfaði óslitið til 1982. Á þeim árum gáfu þeir út 3 breiðskífur, Hinn íslenzki Þursaflokkur (1978), Þursabit (1979), Gæti eins verið (1982) og eina tónleikaplötu, Á hljómleikum (1980). Árið 2008 gáfu þeir svo út plötu með lögum sem ekki höfðu heyrst áður, Ókomin forneskjan, sem og tónleikaplötu, Í höllinni á þorra.

Þursaflokkurinn voru þeir Ásgeir Óskarsson, Egill Ólafsson, Karl Sighvatsson, Tómas Magnús Tómasson, Rúnar Vilbergsson og Þórður Árnason.

Hljómsveitina skipa þeir:

Eyþór Ingi Gunnlaugsson: söngur

Elvar Bragi Kristjónsson: bassi

Ingimundur Guðmundsson: hljómborð

Ísak Örn Guðmundsson: gítar

Skúli Gíslason: slagverk

Tónleikar hefjast klukkan 21:00 en húsið opnar kl 20:30

18 ára aldurstakmark.