Úrvalsdeildin í pílukasti 2024 – Fyrsta umferð !

Upplýsingar:

• Húsið opnar klukkustund fyrir hvern viðburð
• Aðgengi fyrir hjólastóla
• Spurningar? Hafðu samband
• Skilmálar

Á Sviðinu

Loksins á SVIÐINU í beinni útsendingu

ÍPS kynnir með stolti Úrvalsdeildina í Pílukasti 2024 en 16 bestu pílukastarar landsins munu etja kappi í þráðbeinni útsendingu á Stöð 2 Sport í haust.

Í ár verða kvöldin sjö, öll laugardagskvöld frá 26.október til 7.desember. Opnunarkvöldið verður spilað á Sviðinu Selfossi og verða umferðir 2 og 3 spilaðar á Bullseye. 4. umferðin fer síðan fram í Sjallanum Akureyri. Kvöld 5 og 6 ásamt úrslitakvöldinu verða síðan spiluð á Bullseye.

Í ár verður ekki keppt í riðlum heldur verður keppendum skipt upp í 8 manna hópa sem raðað verður í eftir fjórum styrkleikaflokkum.

Hóparnir skiptast síðan á að spila og mun hver keppandi spila 2 kvöld. Eftir fjögur kvöld verður keppendum fækkað um helming og munu efstu 8 keppendurnir spila næstu tvö kvöld og vinna sér inn stig til þess að tryggja sig inn á úrslitakvöldið, en 4 stigahæstu keppendurnir komast þangað. Úrslitakvöldið verður svo haldið þann 7.desember á Bullseye með alvöru Ally Pally stemmingu rétt eins og í fyrra.

Fyrsta umferð verður spiluð á Sviðinu Selfossi og verður miðasala sett af stað á næstu dögum. Ekki missa af þessari veislu!