Vaxtarverkir á Sviðinu

Upplýsingar

• Spurningar? Hafðu samband

Á Sviðinu

Fyrsta plata Fríðu Hansen, Vaxtarverkir, kom út sumarið 2023. Það er því ekki seinna vænna en að fagna útgáfunni með tónleikum, á degi bjórsins, þann 1. mars á Sviðinu á Selfossi. Þó platan telji aðeins 6 frumsamin lög þarf enginn að örvænta. Fríða er með ýmislegt annað í pokahorninu og mun meðal annars frumflytja nokkur lög!

Auk fimm manna hljómsveitar sem þeir Alexander Freyr Olgeirsson, Árni Þór Guðjónsson, Stefán Þorleifsson og Óskar Þormarsson skipa munu sérstakir gestir stíga á stokk. Tónlistarmanninn Hreim Örn Heimisson þarf vart að kynna en einnig mun kórinn Sunnlenskar Raddir styðja Fríðu í nokkrum lögum.

Tónskáldasjóður RÚV og STEFs og Upptökusjóður STEFs styrktu útgáfu plötunnar.

Það verður því mikið um dýrðir á Sviðinu þann 1. mars næstkomandi. Þennan einstaka viðburð sunnlenskra tónlistarmanna ætti enginn að láta framhjá sér fara.

Miðaverð 4900 kr. Tónleikar hefjast klukkan 21:00